வியாழக்கிழமைகளில் பலன் தரும் குருபகவான் விரதமும் நன்மைகளும் !

ஒரு வாரத்தில் வருகின்ற‌ ஏழு நாட்களில் வியாழக்கிழமையானது பிரகஸ்பதி எனப்படும் குரு பகவான் வழிபாட்டிற்கு ஏற்ற‌ தினமாக இருக்கிறது. ஒவ்வொரு மாதமும் சுக்ல பட்ச வளர்பிறையில் வரும் வியாழக்கிழமைகளில் இந்த வியாழக்கிழமை விரதத்தை (குருபகவான் விரதத்தை) மேற்கொள்ளலாம்.

ஒரு வருடத்தில் தொடர்ச்சியாக‌ 16 வளர்பிறை வியாழக்கிழமைகளில் இந்த விரதம் மேற்கொள்வது என்பது பல‌ நற்பலன்களை தரும். இப்படியாக‌ 3 ஆண்டு காலம் இந்த விரதத்தை சரியான படி அனுஷ்டிப்பவர்களுக்கு குரு பகவானுடைய‌ பூரண அருள் வாழ்நாள் முழுவதும் கிடைக்கும்.

குருபகவான் வழிபாடு

குரு பகவானை நினைந்து மேற்கொள்ளப்படும் இந்த வியாழக்கிழமை விரத நாள‌ன்று அதிகாலையிலே எழுந்து தலை குளித்து, மஞ்சள் நிற ஆடைகளை அணிந்து கொள்ள‌ வேண்டும். எதுவும் உண்ணாமல், அருந்தாமல் அருகிலுள்ள கோயிலின் நவகிரக சந்நிதிக்கு சென்று குரு பகவானுக்கு மஞ்சள் நிற பூக்கள் சாற்றி, மஞ்சள் நிற இனிப்புகள் நைவேத்தியம் செய்து, சந்தனம், மஞ்சள் போன்றவற்றை கொண்டு குரு பகவானுக்கு அபிஷேகம் செய்ய வேண்டும். குங்குமப்பூ கலந்த பசும்பாலை கொண்டு குரு பகவானுக்கு அபிஷேகம் செய்வது மிகுந்த‌ பலனைத் தரும்.

இந்த‌ வியாழக்கிழமை குருபகவான் விரதம் இருக்கும் நாள் முழுவதும் உணவேதும் அருந்தாமல் இருப்பது விரதத்தின் முழுமையன பலன்களை தரும். அன்றைய தினம் குரு பகவானுக்குரிய மந்திரங்கள், ஸ்தோத்திரங்கள் போன்றவற்றை படிப்பது நல்லது. மாலையில் மஞ்சள் நிற இனிப்புகள், ஆடைகள் போன்றவற்றை இயலாத‌, ஏழ்மை நிலையில் இருப்பவர்களுக்கு தானமளிப்பது நல்லது. இரவில் உப்பு சேர்க்காத உணவை சமைத்து சாப்பிட்ட‌ பின் வியாழக்கிழமை விரதத்தை நிறைவு செய்து கொள்ள‌லாம்.

சரியான காலத்தில் திருமணம் நடக்கும். ஜாதகத்தில் குரு கிரக தோஷம் அகலுதல் என‌ குரு பகவானுக்குரிய இந்த வியாழக்கிழமை விரதத்தை முறையாக மேற்கொள்பவர்களுக்கு வாழ்வில் பல யோகங்கள் ஏற்படும். . தொழில், வியாபாரங்களில் சரியான வருமானம் இல்லாமை, குடும்ப பொருளாதார சிக்கல்கள் என‌ இந்த விரதம் மேற்கொள்வதால் குரு பகவானின் அருள் கிடைக்கப்பெற்று தொழில், வியாபாரங்களில் சிறந்து செல்வ வளம் பெருகும்.